sábado, 21 de febrero de 2015

Visita de Xurxo Mariño


O vindeiro martes 3 de marzo teremos a sorte de compartir unha hora e media do noso tempo lectivo con Xurxo Mariño, viaxeiro, científico e profesor de neurofisioloxía da Universidade da Coruña.




O profesor Mariño chegou hai uns meses dun percorrido por boa parte do noso planeta, que comezou en outubro de 2013, e na súa charla "Ciencia, aventuras e sorpresas dunha viaxe arredor do mundo" falaranos das súas vivencias e das experiencias científicas que acumulou ao longo dese tempo e a través dos espazos descubertos.
Para ir abrindo boca deixámosvos a ligazón ao blog que mantivo durante o seu periplo, onde atoparedes informacións variadas, anécdotas, fotografías, impresións...


Ademais, na nosa biblioteca podedes atopar o seu libro Neurociencia para Julia, co número de rexistro 6351 e a CDU 61/MAR/neu.



A charla vai dirixida ao alumnado de 1º de Bach, 2º e 4º de ESO e comezara ás 12:50 na aula Manuel Dobarro.
Que a desfrutedes!


No hay comentarios:

Publicar un comentario