jueves, 30 de octubre de 2014

Equipos en concurso


 Esta é a relación de equipos que participarán no concurso CambaNet
NOME DO EQUIPO
MEMBROS E CURSO
Alex Tintor
Uxía Blanco Iglesias (4º ESO)
Marta Blanco Iglesias (3º ESO)
As venusiñas
Alba Ramos Rodríguez (1º BACH)
Carla Elisa Castro Pedreira (1º BACH)
Miriam Lareu Rial (1º BACH)
Chocolota
Silvia Porteiro de Loño (1º BACH)
ELINFO
Érica García Blanco (1º ESO)
Sara Villar Blanco (1º ESO)
Alba Lareo Asorey (1º ESO)
Equipo A
Diego Medela Castiñeiras (2º ESO)
Funch
Francisco Galego Sánchez (4º ESO)
Galizantes
Julieta Itatí Penas Noce (4º ESO)
Xerardo Varela Pérez (4º ESO)
Marina Vilela Brea (4º ESO)
Ilussia
Alba López Lois (1º BACH)
JAN
Álvaro Rey (2º ESO)
Nicolás Soto (2º ESO)
Jabier Toubes (2º ESO)
Los Ma´s
Cristian Lodeiro Rey (2º BACH)
Yolanda Couto Neira (2º BACH)
MAR
Antón Louzao (2º ESO)
Carmen María Pampín (2º ESO)
Rubén Pardo (2º ESO)
Marai
María Rey (3º ESO)
Raquel Mera (3º ESO)
Iria Alonso (3º ESO)
Merengue Merengue!!
Tamara Soto Soto (1º BACH)
Carmen Lareu Lorenzo (1º BACH)
Morriña
Cecilia García Soto (1º BACH)
Nap
María Seijo (2º ESO)
Nerea Santos (2º ESO)
Paula Pardo (2º ESO)
Nosilo
Silvia Alonso Blanco (2º BACH)
Lucía Blanco Blanco (2º BACH)
Noelia Dopazo Blanco (2º BACH)
Os nénos

Adrián García Torres (2º ESO)
Roi Guzmán Gómez (2º ESO)
Alexander Iglesias Santandré (2º ESO)
Sen nome
Fernando Mosteiro del Pilar (4º ESO)
Carlos Mella Mas (4º ESO)
Diego Rodríguez Taboada (4º ESO)
Zapato de Cristal
Belén Porteiro de Loño (1º BACH)
Zoes
Paula Vázquez Tages (1º BACH)
Silvia Calviño Rodríguez (1º BACH)

Boa sorte a tod@s!!!


miércoles, 29 de octubre de 2014

Sesión inaugural dos clubs de lectura

Este curso 63 persoas (entre alumnado, profes e nais) formarán parte dos clubs de lectura do "IES Marco do Camballón".

Felices lecturas para tod@s!!!

martes, 28 de octubre de 2014

De celebracións, números e castañas


Xa vai chegando á súa fin este mes de outubro no que a biblioteca está de celebración con novos retos e proxectos pero tamén con tradicións que se consolidan.
Entre os primeiros, temos o novo concurso CambaNet no que, ademais da biblioteca, están implicados 12 departamentos. Tamén entre as novidades está o Torneo de xadrez, promovido polo Departamento de Matemáticas e a biblioteca nunha colaboración coa que se pretende incorporar ás nosas dinámicas o lema deste curso 2014-2015 para as Bibliotecas Escolares: Biblioteca escolar... matemático!!!  Ademais, as Matemáticas manteñen protagonismo no CambaNet, ao seren a materia coa que se bota a andar o noso concurso.
Pero, como diciamos, conservamos as boas tradicións e, para celebrar o 24 de outubro, Día Internacional da Biblioteca, convocamos o III Concurso de Relatos Breves, que este ano incluíu sorpresa: o escritor Fran Alonso redactou o inicio da historia a partir do cal o noso alumnado ten que seguir a súa narración. E de aí o título do certame: Sígueme.
E que mellor para pechar este mes fecundo que a celebración do Magosto: o xoves 30 de 12:30 a 14:30 teremos Ginkana, Torneo de xadrez e castañas.
A divertirse!!!



viernes, 24 de octubre de 2014

III Concurso de Relato Breve





BASES

A BIBLIOTECA do IES “Marco do Camballón”

CONVOCA

SÍGUEME !

III CONCURSO de  RELATOS

Participantes: poderá tomar parte no concurso todo o alumnado matriculado no centro no curso académico 20142015.

Presentación: Cada participante poderá presentar, se así o desexa, ata dous relatos escritos en lingua galega. Nun sobre, introduciranse o relato, asinado cun pseudónimo, e un folio no que constarán os seguintes datos:

Pseudónimo
Nome e Apelidos
Curso e grupo


Tema: os relatos serán a continuación do seguinte fragmento de inicio escrito polo autor Fran Alonso:

O día en que desapareceu Xoel sucederon demasiadas cousas estrañas. Deitárame moi cansa, durmira profundamente e erguérame coa sensación de proceder dun lugar moi afastado e profundo. Para comezar, espertoume con brusquidade unha chamada telefónica desconcertante. Cando apañei o teléfono só escoitei a música de London Calling, de The Clash, logo de que unha voz robotizada pronunciase o meu nome: María. Curiosamente, esa é a miña canción favorita. Logo, cando fun almorzar, non quedaba café. Xa sei que pode parecer que iso non ten nada de raro, pero Xoel nunca marchaba da casa sen deixar o café feito. El sabía que eu son adicta ao café pola mañá, para cargarme de toda a enerxía que unha veterinaria necesita na súa xornada laboral. E, finalmente, cando saín pola porta para ir traballar, descubrín que durante a noite alguén metera dentro do meu coche a touriña que acababa de nacer, un par de porcos e todas as galiñas que temos na casa.
  

Extensión: as obras presentadas non excederán as cinco páxinas a ordenador (arredor de 1200 palabras), incluíndo o inicio do relato do que hai que partir.

Prazo: os relatos entregaranse na Biblioteca ata o luns 1 de decembro de 2013.
O resultado do concurso será publicado na Biblioteca o mércores 17 de decembro.

Xurado: estará formado por un membro do equipo da biblioteca, do departamento de Lingua galega e do departamento de Lingua castelá.

Premios: establécense dúas categorías:

         Categoría A: 1º, 2º, 3º e 4º de ESO
         Categoría B: 1º e 2º de Bacharelato e Ciclo.

Haberá un único premio por categoría dotado cun vale por 50 € en material de libraría ou tecnolóxico. Ademais os relatos ganadores serán publicados no blogue Abre os ollos.

Ø  Os premios poderán ser declarados desertos no caso de non acadaren os relatos presentados un mínimo de calidade.

Ø  Se se constatase que un relato constitúe copia doutro, non será tido en conta.


Ánimo a todos e todas!



martes, 21 de octubre de 2014

Rexistro para o concurso CambaNet




Hoxe comeza o prazo de rexistro no concurso CambaNet. Temos ata o día 27 ás 20:00 horas para apuntármonos.

Non deixedes pasar esta ocasión!!!



Xogas unha partida?




Este curso as bibliotecas Escolares andamos ás voltas coas Ciencias Exactas.
Da colaboración do Departamento de Matemáticas e a biblioteca naceu o proxecto de divulgar entre o alumnado do centro o xogo de xadrez.
Tod@s @s que saibades xogar podedes facelo de 11:30 a 11:55 na aula 106 onde hai taboleiros á vosa disposición.
Para @s que descoñecen os aspectos básicos deste xogo, daranse unhas sesións de introdución ás súas regras. Para iso haberá que anotarse nas follas de inscrición situadas na Biblioteca e na aula 106.


Participade!

viernes, 17 de octubre de 2014

Calendario

Este é o calendario do desenvolvemento do concurso CambaNet:



Podería cambiar a orde de intervención dos distintos departamentos, pero o programa para o mes de novembro é definitivo:

Departamento de Matemáticas:      

  • semana do 4 ata o 7 de novembro
  • semana do 10 ao 14 de novembro


Departamento de Educación Física:

  • semana do 17 ao 21 de  novembro
  • semana do 24 ao 28 de  novembro



jueves, 16 de octubre de 2014

CambaNet

Concurso CambaNet 2014-2015




A biblioteca do IES Marco do Camballón e os Departamentos de Lingua Galega, Matemáticas, Ciencias Sociais, Relixión, Música, Latín e Grego, Normalización, Plástica, Lingua Castelá, Filosofía, Educación Física e Orientación convocan o concurso CambaNet 2014-2015.

BASES

·        Poderá participar todo o alumnado do centro.
·       A participación será individual ou en grupos de ata 3 persoas que poderán ser de distintos cursos. Cada persoa só poderá participar nun equipo.
·   É indispensable rexistrarse no blogue da biblioteca (Abre os ollos). Para rexistrarse débese proceder do seguinte xeito:
o   Entrar no blogue Abre os ollos e buscar a entrada titulada “Rexistro para o concurso CambaNet 2014-2015”.
o   Enviar un comentario no que se detallen: nome, apelidos e curso de cada un dos participantes, nome do equipo (este nome será o que aparecerá nas listaxes de clasificación).
o   No apartado Comentar como: seleccionar perfil seleccionar Anónimo. Tamén se pode escoller Nombre/URL e escribir aí o nome do equipo (deixando en branco URL)
o   O prazo para rexistrarse será desde as 9:00h do día 21 de outubro ás 20:00h do día 27 de outubro. Non se admitirán rexistros fóra dese prazo.
o   A listaxe definitiva de grupos rexistrados publicarase o xoves 30 de outubro ás 9:00h.

En que consiste o concurso
·        O concurso comezará en novembro e rematará na primeira semana de xuño. A temática do concurso é variada. Cada departamento participante formulará dúas preguntas por semana. O departamento de Matemáticas será o encargado de poñer en marcha o concurso que comezará  o martes 4 de novembro.
·        Cada semana publicarase no blogue unha entrada con dúas preguntas que deberán ser respondidas no prazo establecido mediante o envío dun comentario.
·        O calendario de publicación das preguntas, respostas e clasificación da primeira fas será o seguinte:
o   1º bloque de preguntas: do martes 4 ata o venres 7 de novembro. Respostas e clasificación: domingo 9 de novembro.
o   2º bloque de preguntas: do luns 10 ata o venres 14 de novembro. Respostas e clasificación: domingo 16 de novembro.
·        A cualificación final será a suma de todas as respostas emitidas ao longo do concurso. De producirse un empate, establecerase un calendario especial para responder a unha “superpregunta” de desempate na que cada departamento participante formulará unha cuestión.
·        O sistema de puntuación das preguntas será o seguinte:
o   Cada resposta correcta: 5 puntos
o   Resposta correcta con 1 falta de ortografía: 4 puntos
o   Resposta con máis de 1 falta de ortografía, incorrecta ou fóra de prazo: 0 puntos
Xurado e premio
O xurado estará constituído por un representante de cada un dos departamentos participantes e un membro do equipo da biblioteca.
Haberá dous premios, o 1º dotado con 300 € e o 2º con 150 €.


BOA SORTE A TOD@S!


lunes, 13 de octubre de 2014

Nobel de Literatura 2014



O novelista francés Patrick Modiano é o premio Nobel de Literatura 2014.
Aquí tedes tres enlaces onde podedes informarvos sobre a súa obra,

Pero se o queredes coñecer máis de cerca, pasade pola biblioteca e levade algunha das súas novelas, atoparédelas buscando as seguintes signaturas:


N/MOD/cir
N/MOD/bar
N/MOD/hie

Boa lectura!