viernes, 20 de diciembre de 2013

Resumo da Gincana

GINCANA

No centro, vaise realizar unha Gincana entre o alumnado, organizada en 12 equipos. As probas son:
  • bolos
  • cifras
  • letras
  • quen é quen?
  • tirar da corda
  • tangrans
  • xogo da silla
  • recoñeces o monumento?
  • pañuelo

PREMIOS

Premio Postal 2013: Paula Pardo

Categoría A:

1º Premio: Carla Castro Pereira de 4º ESO por O Descubremento de Xénova
2º Premio: Javier Toubes Rego de1º ESO por O Apocalipse


Categoría B:

1º Premio: Noelia Dopazo Blanco de 1º BACH por Na procura da inmortalidade
2º Premio: Deserto







Parabéns aos vencedores!!!
E moitas grazas por participar.


jueves, 19 de diciembre de 2013

Concurso de relatos Eureka!


Ola a tod@s!

Aquí tedes os resultados do concurso EUREKA 2013:

Categoría A:

1º Premio: Carla Castro Pereira de 4º ESO por O Descubremento de Xénova
2º Premio: Javier Toubes Rego de1º ESO por O Apocalipse

Categoría B:

1º Premio: Noelia Dopazo Blanco de 1º BACH por Na procura da inmortalidade
1º Premio: Deserto

Parabéns aos vencedores!!!
E moitas grazas a tod@s por participar.
A Biblioteca deséxavos boas vacacións e un 2014 cheo de inventiva e creatividade!


martes, 17 de diciembre de 2013

Astronomía na beirarrúa

Mirando as estrelas
Como xa anunciamos, o profesor Salvador Bará estará de novo entre nós o vindeiro 2014. Esperamos a súa visita o día 10 de xaneiro para guiarnos nuhna sesión de observación do ceo. Se queres ver a superficie da lúa, os aneis de Saturno ou quizais a Estación Espacial Internacional acude ás 19:30 á Praza do Concello. Podes traer a todos os teus amigos e familiares: a actividade está aberta a todo o público.



Recorda que a contemplación dunha estrela é o máis parecido a unha viaxe ao pasado: a luz que ti estás recibindo agora emitiuse hai millóns de anos.
Sentirás a emoción de compartir algo cos teus ancestros, os construtores das mámoas: eles viron practicamente o mesmo ceo que podes ver ti.

Non faltes á cita e que a forza cósmica e o pó de estrelas te acompañen.


Dado que esta actividade se realiza fóra do horario lectivo, o centro non se fai responsable do alumnado, que deberá vir acompañado por nai, pai ou titor legal.

domingo, 8 de diciembre de 2013

ADEUS A NELSON MANDELA

Nelson Mandela


"A educación é a arma máis poderosa que podes usar para cambiar o mundo",

  N. Mandela. 



 ATA SEMPRE MADIBA!!

domingo, 1 de diciembre de 2013

Astronomía e mitoloxía

GRAZAS POLA VISITA!




O pasado xoves 28 de novembro visitounos Salva Bará, profesor de Óptica da Facultade de Física da USC, respondendo á invitación que lle fixeron o Club da Lingua e a Biblioteca.
Nunha entretida e interesantísima conferencia, coa súa posterior quenda de preguntas, díxonos, entre outras moitas cousas, que non só estamos feitos da mesma materia que os soños –como afirmaba Shakespeare– senón que, literalmente, a nosa orixe está nas estrelas, pois a maior parte dos átomos que conforman a materia (tamén a nosa) forxáronse no interior de astros que, ao estoupar, difundíronos polo espazo. 
Por desgraza, a absorbente atención que prestamos a todo tipo de aparellos de entretemento (dende a televisión ata as tabletas e os ordenadores) xa case nos impide levantar a cabeza e contemplar esa marabilla incomparable que é o ceo –e se atopamos ocasión de facelo, a contaminación lumínica que producen as vilas e cidades pode converterse, ás veces, nun obstáculo insalvable.
Desde logo, non era así para os nosos devanceiros, que construíron as mámoas –as de Oirós e tantas outras repartidas polo noso país– cos ollos postos no firmamento, orientadas polo xeral cara ao nacemento do sol no solsticio de inverno.
Pero no Camballón somos dobremente afortunados,
porque Salva Bará estará de novo connosco o vindeiro
VENRES 10 DE XANEIRO de 2014.
E non virá só, senón acompañado dos seus telescopios!
Queredes botar unha ollada aos camiños do universo?
Aquí estaremos, coa xanela aberta ao infinito.


Consulta aquí a noticia no Faro de Vigo

lunes, 25 de noviembre de 2013

DÍA INTERNACIONAL CONTRA A VIOLENCIA DE XÉNERO


Esta semana estamos traballando nas aulas sobre a violencia de Xénero. Dende a Biblio repartimos unhas flores para commenorar o día Intenacional contra a Violencia de Xénero.
 
 

NEURONAS EN FORMA


Esta si que é unha boa noticia!
O pasado xoves 14 de novembro o noso observatorio detectou, no Camballón e arredores, unha impresionante concentración de neuronas con sinapses ben desenvolvidas.
Soaron todas as alarmas! E non era para menos...
Visitáronnos catro cabezas de primeirísimo nivel: estiveron entre nós dous astrónomos –Salvador Bará, da Universidade de Santiago de Compostela, e César González, do Instituto de Ciencias do Patrimonio– e dous arqueólogos –Felipe Criado, do Centro Superior de Investigacións Científicas, e Trond Lodoen, da universidade de Bergen, na distante e fría Noruega!
E que facían por aquí estes señores?
Extraviáronse nalgunha encrucillada? Pararon nas Cruces para tomaren un café?
Nada diso. Estes catro magníficos, especialistas todos eles en arqueoastronomía, viñeron para visitar as mámoas de Oirós, os monumentos megalíticos levantados polos nosos devanceiros, testemuñas das súas inquedanzas ao contemplar o ceo e os seus misterios.
A ciencia axúdanos a comprender o mundo; o noso patrimonio cultural axúdanos a comprendérmonos a nós mesmos.

Cóidao porque che pertence. 

E este xoves 28, a 4ª e 5ª hora, teremos no Marco do Camballón a Salva Bará para falarnos de astros e mitoloxía. 

viernes, 22 de noviembre de 2013

Concurso de Postais

Estas foron as postais que se presentaron ao concunso. A postal
gañadora foi a presentada pola alumna de 1º ESO Paula Pardo.
O premio será entregado o día 20 de decembro.
Parabéns.


miércoles, 20 de noviembre de 2013

Premio Cervantes 2013



Por cuarta vez nos 38 anos de historia deste galardón, o Cervantes recae nunha muller: a mexicana Elena Poniatowska. Nacida en París hai 81 anos e de pai polaco, destaca polo seu labor como narradora e periodista. Entre os seus títulos, subliñamos obras como La noche de Tlatelolco, Nada, nadie: las voces del temblor, Hasta no verte Jesús mío, La piel del cielo ou Leonora.

Este último título témolo na Biblioteca. Atoparalo na sección de Lingua Castelá co seguinte número de rexistro e etiqueta:
5594
N/PON/leo

viernes, 15 de noviembre de 2013

Magosto no Camballón


Hoxe foi o día do magosto e celebrouse tamén a festa da lingua no centro ca actuación estelar da Charanga do Camballón, o seu repertorio inclúe un cancioneiro tradicional.

Así daba comezo a actuación:




miércoles, 13 de noviembre de 2013

Premio Nacional de Teatro




Juan Mayorga foi galardoado este ano co Premio Nacional de Literatura Dramática pola súa obra La lengua en pedazos. Na nosa biblioteca temos un dos seus títulos que atoparás na sección de Lingua Castelá coa seguinte etiqueta:

T/MAY/chi

Se queres ampliar información sobre o autor preme aquí:

martes, 12 de noviembre de 2013

A ciencia en galego


Título: Como medir tamaños e distancias da Terra, a Lúa e o Sol.
Relator: Jorge Mira PerezDoutor en Física e Catedrático da Área de Electromagnetismo do Departamento de Física Aplicada da Universidade de Santiago de Compostela. A súa actividade investigadora está centrada no estudo do magnetismo en sólidos e a nanotecnoloxía, e tamén no estudo de sistemas de falantes con idiomas en competición. Publicou numerosos traballos especializados en publicacións de prestixio e desenvolve un importante labor divulgador en libros, nos medios de comunicación ou do programa "ConCiencia" (USC), do que é responsable.
Páxina web: 
http://www.usc.es/fagms/Mira/jorge.htm
Sinopse: Poucas etapas da historia amosaron un talento tan brillante como a da Grecia clásica. Contaremos como fixeron eses gregos para sabe-lo tamaño do mundo que habitamos e calcula-la distancia á lúa e o sol e os seus tamaños, usando tan só o bo hábito de observar con coidado o que nos rodea.
Destinatarios:  alumnado de 3º e 4º da ESO e 1º
.

lunes, 11 de noviembre de 2013

A morte na Antigüidade III: Os descensos dos heroes ao Hades

A morte na Antigüidade II: Os condenados

A morte na Antigüidade

Monstros, esqueletos e ánimas en pena poboaban o mundo de Ultratumba que imaxinaron os antigos. Aquí tedes un traballo realizado por Alba López, Carla Castro, Mireya Otero, Tamara Soto, Alba Ramos e Miriam Lareu, alumnas de latín de 4ª de ESO,  no que nos achegan a ese terrorífico universo.


Para visualizar o contido interactivo, pon o cursor sobre a imaxe.

sábado, 9 de noviembre de 2013

Actividade dos departamentos de Música e Grego


O venres 25 visitounos o músico grego Jristos Malamás.



Recitounos poesía de Homero, de Safo e de Mesomedes de Creta. Mostrounos, ademais, moitos instrumentos cos que interpretou música tradicional grega.

Aquí tedes un vídeo no que un luthier turco constrúe un sazi como o que nos tocou Xristos.







viernes, 8 de noviembre de 2013

Concurso Semana de Bibliotecas Escolares

Hoxe sorteamos na biblio a triloxía Memorias de Idhún de Laura Gallego entre os participantes no concurso convocado para celebrar a Semana de Bibliotecas Escolares.
A maior participación deuse entre o alumnado de 1º e 2º de ESO e a lectura máis votada foi Con los ojos cerrados de Alfredo Gómez Cerdá.

Parabéns para o afortunado gañador Diego Medela!

lunes, 4 de noviembre de 2013

A creatividade galega non ten rival este ano!

Miguelanxo Prado, Premio nacional de Cómic 2013 por Ardalén.


Podes coñecer a súa obra buscando as seguintes signaturas na nosa biblioteca:

82-C/PRA/tra
82-C/PRA/str
82-C/PRA/man

Boa lectura a tod@s!




martes, 29 de octubre de 2013

Morre Lou Reed

Morre un mito do Rock & Roll: Lou Reed (1942-2013)


O pasado domingo 27 deixábanos unha das figuras máis sobresaíntes da escena do R&R, o neoiorquino Lou Reed. Sen este gran artista sería imposible entender a evolución da música popular urbana do século pasado: o glam, o punk e o rock alternativo son tres dos estilos nos que centrou a súa creatividade musical e poética. 
Lou Reed foi xunto a David Bowie, Iggy Pop e Andy Warhol un dos iconos da cultura pop máis ambigua e de vangarda dos anos 70. Foi o fundador da lexendaria  banda The Velvet Underground (1965-1970), a cal, unha vez disolta, deu paso a unha creativa etapa en solitario.

Algunhas das súas cancións máis salientables son "Walk on the Wild Side", "Perfect day"", "Sweet Jane", "Heroin" ou "Rock and Roll".


Aquí podes ler no diario "El País" o artigo publicado co gallo da súa morte

Para saber máis sobre a súa vida e a súa música entra neste enlace de wikipedia

lunes, 28 de octubre de 2013

O Samaín no Camballón





Lecturas para este tempo:



Premio Nacional Narrativa 2013



O escritor galego José María Merino obtivo o Premio Nacional de Narrativa 2013 pola súa obra  El río del Edén.



Parabéns!

viernes, 25 de octubre de 2013

Club de lectura


Na xornada de hoxe constituíuse o Club de Lectura Cambaleón do curso 2013-14. Debido ao gran número de participantes tivemos que reunirnos na aula Manuel Dobarro.


martes, 22 de octubre de 2013

Semana das Bibliotecas Escolares

Este ano queremos celebrar o Día Internacional das Bibliotecas invitándote a colaborar no blog “Abre os ollos”.
Gustaríanos que enviases un comentario a este post no que nos fales dunha lectura que che gustara especialmente,  indicando autor/-a e título da obra.



Entre todos os participantes sortearemos un exemplar de Memorias de Idhún de Laura Gallego. Para poder tomar parte no sorteo é fundamental que no comentario indiques o teu nome, apelidos, curso e grupo.

O comentario poderá enviarse ata o día 6 de novembro. O sorteo farase o día 8 de novembro ás 11:45 na Biblioteca.  
Moita sorte e grazas pola túa axuda.

miércoles, 16 de octubre de 2013

OBRADOIRO DE TÉCNICAS DE ESTUDO



O alumnado de 1º ESO asiste
hoxe a un obradoiro de técnicas de estudo.

Presentación do libro: Mámoas de Oirós. Lendas possíveis





Hoxe vai ter lugar na aula Manuel Dobarro a presentación do libro de Ramón Taboada Montoto "Mámoas de Oirós. Lendas possíveis"

martes, 15 de octubre de 2013

Premio Nobel de Física


        Nobel de física 2013


Entre os galardóns entregados este ano pola Real Academia de Ciencias Sueca, imos destacar o Premio Nobel de Física, outorgado a Robert Higgs e François Englert.




Estes dous científicos, británico e belga de 84 e 81 anos respectivamente, levan á  procura dunha  demostración válida da existencia do Bosón de Higgs desde 1964. E como acostuma suceder na investigación, quen a segue, conséguea!!

Neste vídeo tedes una breve explicación de que raios é  o “Bosón de Higgs” ou “partícula de Deus”


                    por que as “cousas” teñen masa?


Por certo, o da “partícula de Deus” debémosllo a un editor simpático que cambiou “The Goddamn particle” (a maldita partícula) por “The God particle”.



Bases concurso Eureka!

A BIBLIOTECA do IES “Marco do Camballón”

CONVOCA

EUREKA!

II CONCURSO de  RELATOS

Participantes: poderá tomar parte no concurso todo o alumnado matriculado no centro no curso académico 20132014.

Presentación: Cada participante poderá presentar, se así o desexa, ata dous relatos escritos en lingua galega. Nun sobre, introduciranse o relato, asinado cun pseudónimo, e un folio no que constarán os seguintes datos:

Pseudónimo
Nome e apelidos
Curso e grupo

Extensión: as obras presentadas non excederán as cinco páxinas a ordenador (arredor de 1200 palabras).

Temaos relatos deberán incluír algún aspecto científico, sexa como asunto principal ou ben como elemento secundario pero con incidencia na historia desenvolvida.
Poderase aludir a calquera especialidade científica (física, química, bioloxía, medicina, matemáticas, astronomía etc.).
Os/-as autores/-as terán plena liberdade para enfocar os seus relatos desde un punto de vista realista ou fantástico e para situalos en calquera marco temporal (pasado, presente ou futuro) e espacial.

Prazo: os relatos entregaranse na Biblioteca ata o venres 6 de decembro de 2013.
O resultado do concurso será publicado na Biblioteca o mércores 18 de decembro.

Premiosestablécense dúas categorías:
Categoría A: 1º, 2º, 3º e 4º de ESO
Categoría B: 1º e 2º de Bacharelato e Ciclo.
En cada categoría haberá un primeiro premio, dotado con 50 € e un segundo premio, dotado con 25 €. Ademais, os relatos gañadores serán publicados no blog Abre os ollos.

Ø  Os premios poderán ser declarados desertos no caso de non acadaren os relatos presentados un mínimo de calidade.

Ø  Se se constatase que un relato constitúe copia doutro, non será tido en conta.



Ánimo a todos e todas!


viernes, 11 de octubre de 2013

II concurso de relato breve


Eureka!




II CONCURSO de Relato breve


CONCIÉNCIATE E PARTICIPA!



Consulta as bases na biblioteca ou no blog Abre os ollos


Máis galardóns


E   o
NOBEL DE LITERATURA 2013
é para…

ALICE MUNRO



Coa escritora canadiense, nacida en 1931, son xa trece as mulleres galardoadas con este premio, sen dúbida o de maior prestixio no eido das letras universais.

Da súa obra, podemos ler en castelán case unha ducia de títulos:

Las lunas de Júpiter; El progreso del amor; Amistad de juventud; Secretos a voces; El amor de una mujer generosa; Odio, amistad, noviazgo, amor, matrimonio; Escapada; La vista desde Castle Rock; Demasiada felicidad; La vida de las mujeres e Mi vida querida.

Na seguinte ligazón podes ler o seu relato "Radicales libres":


Parabéns, Alice.


miércoles, 9 de octubre de 2013

Premio Nacional de Poesía

Parabéns

Ao poeta galego
Manuel Álvarez Torneiro
que acaba de recibir o Premio Nacional de Poesía
pola súa obra Os ángulos da brasa.


Se queres coñecer a súa produción poética, busca as seguintes signaturas na nosa biblioteca:


P/ÁLV/hab
P/ÁLV/voc
P/ÁLV/luz
P/ÁLV/par 






miércoles, 25 de septiembre de 2013

Benvid@s de novo á biblioteca



Cando saias de viaxe cara a Ítaca,
desexa que o camiño sexa longo,
cheo de aventuras, cheo de coñecementos.
                                                           K. Kavafis

Anímate. Embárcate nos libros.
Levarante a todos os portos. Abriranche todas as portas.

E se queres viaxar en compañía,
apúntate ao

CLUB DE LECTURA


martes, 25 de junio de 2013

Visita de Manuel Gago

O mércores pasado visitounos Manuel Gago e  falounos de lendas, batallas, mámoas e illas misteriosas. Dedicounos, ademais, un exemplar da súa obra Herdeiros pola forza que atoparedes na biblioteca coa seguinte signatura:


93/AYÁ/her



viernes, 14 de junio de 2013

Xeometría Cálida

Desde a Biblioteca do IES Sánchez Cantón chéganos este traballo elaborado polo alumnado de 4º de ESO no que xeometría e arte se dan a man producindo este fermosísimo resultado.


jueves, 13 de junio de 2013

RUTA DO MOSTEIRO DE CARBOEIRO Á FERVENZA DO TOXA

O alumnado de 3º de ESO percorreron a ruta do Mosteiro de Carboeiro ata a Fervenza do Toxa rematando na área recreativa da Carixa onde recollen lixo.

miércoles, 12 de junio de 2013

miércoles, 5 de junio de 2013

Suxestións de lecturas para o verán

Este verán, mergúllate na lectura!

DÍA MUNDIAL DO MEDIO AMBIENTE

Hoxe no IES Marco do Camballón celebramos o día Mundial do Medio Ambiente ca finalidade de promover o papel fundamental no cambio de actitude hacia temas ambientais e fomentear a cooperación para que o medio ambiente sexa sostenible e as persoas disfruten dun futuro máis próspero e seguro.
O alumnado estive arranxando o xardín que hai no patio.

O CAMBALEÓN VIAXA ÁS CIES

                                                                                O alumnado (1º ESO a 1º Bacharelato) que participou durante este curso no Club de Lectura CAMBALEÓN viaxa hoxe ás CIES.